Carta de loco qui uocatur Sanctes Christoforus inter Sozia et Illiauo

Cartulário:

Nº Documento: 
0345
Fólio: 
149r
Data do documento
Ano: 
1088
Mês: 
2
Dia: 
11
Documento original
Original: 
Não

Outorgante:

Notas: 

B) T. T. — Sé de Coimbra, m. I, doc. 28, cóp. vis. trans.

Tempore illo quo serenissimus rex domnus Fernandus ego consul Sisnandus accepi ab illo potestatem Colinbrie et omnium ciuitatum siue castellorum que sunt in omni circuitu eius scilicet ex Lameco usque ad mare per aquam fluminis Durii usque ad omnes terminos quos Christiani ad Austrum possident que illo gladio suo et regali dominacione adiuuante Deo abstulit a Sarracenis et restituit Christianis deditque predictus rex michi supradictam terram totam ad edificandum et populandum et faciendum cunctaque bene uisa fuerint et ut omnia que ego mandauero et firmauero(a) sint firma et bene stabilita in omnibus s[e]c[u]lorum temporibus. Post mortem igitur supradicti regis obtinuit regnum gloriosi[ssi]mus filius eius rex domnus Adefonsus qui omnia que mihi suus pater mandauerat confirmauit et coram comitibus et cunctis maioribus sui palacii(b) scriptum priuilegium roborauit. Itaque ego supradictus Sisnandus(c) auctoritate regia fretus facio cartam firmitatis tibi Roderico presbitero de loco qui uocatur Sancti Christofari inter uillas que nuncupantur Socia et Illiabum et eius terminaciones incipiunt a loco qui appellatur Serra per eum locum quem Furnum Tegularium uocant usque ad riuum quem dicunt Foriolum et ad partem maris usque ubi dicunt Capitellum de Degano. Concedo tibi omnia que concluduntur infra ipsos terminos suprascriptos ad integrum cum sua aqua decurrente de montis cacumine qui dicitur Serra et loca que ibi sunt ad molinos edificandos et omnia que hominibus ibi prestita sunt ut edifices et plantes secundum tuum posse et possideas in uita tua et habeas potestatem testari ea ubi uoluntati tue placuerit pro remedio anime tue et pro animabus supradictorum(d) regum uidelicet domni Fredenandi e d[o]mni Adefonsi filii eius. Si autem quilibet uir homo cuiusque generis aut potestatis hoc meum factum irrumpere temptauerit pro sola presumpcione sit maledictus a Deo et excomunicatus a Sancta Ecclesia Catolica et alienus a sacramento corporis et sanguinis Christi et ira Dei maneat super eum et pro seculari damno conuinctus pontificali districcione quadruplum de suis pro[pr]iis facultatibus tibi componat omnia que auferre uoluerit. Et hoc meum factum plenam semper habeat stabilitatem. Facta est carta firmitatis III Idus Februarii, in Era M C XXVI. Ego supradictus Sisnandus cartam istam propria manu roboraui †.
Qui presentes fuerunt hi sunt: Gunsaluus Menendiz ts., — Suarius Menendiz ts., — aluazir Martinus ts., — Gunsaluus Osorediz ts., — Zalama Gotinaz ts.10.
Ego comes domnus Raimundus(e) gener supradicti regis domni Adefonsi qui post discessum supradicti consulis domni Sisnandi terrram ipsam ipsam in potestatem accepi cartam istam confirmo.
Pelagius scripsit.

Aparato: 

(a) A letra u foi corrigida da letra r. — (b) O segundo -a- encontra-se adicionado na entrelinha. — (c) O último -s encontra-se adicionado na entrelinha. Por outro lado, em vários documentos encontramos alusões à importante acção desenvolvida por D. Sesnando na empresa da Reconquista cristã e no repovoamento das terras conquistadas, havendo muitas vezes um historial da sua escolha para o efeito e do forte apoio recebido de D. Afonso VI. — (d) O -c- encontra-se adicionado na entrelinha. — (e) É a primeira referência ao conde D. Raimundo, genro de D. Afonso VI, que passou a governar depois da morte de D. Sesnando (1091). Cfr. nota ao documento 82.

Bibliografia: 

Manuel Augusto Rodrigues, Livro Preto: Cartulário da Sé de Coimbra. Edição crítica. Texto integral, Arquivo da Universidade de Coimbra, Coimbra, 1999.